കോവിഡ് ബാധിതരുടെ എണ്ണം കുറയുന്നു ഗള്‍ഫ് മേഖലയ്ക്ക് ആശ്വാസം

കോവിഡ് ബാധ സ്ഥിരീകരിക്കുന്നവരുടെ എണ്ണത്തില്‍ ഗണ്യമായ കുറവു രേഖപ്പെടുത്തി സൗദി. പ്രതിദിനം 5000ല്‍ ഏറെപ്പേര്‍ക്ക് കോവിഡ് സ്ഥിരീകരിച്ചിരുന്നത് ഇപ്പോള്‍ 2000ല്‍ താഴെയാണ് 1993 പേര്‍ പുതുതായി പോസിറ്റീവായപ്പോള്‍ 2613 പേര്‍ രോഗമുക്തി നേടി. ഇന്നലെ 27 പേര്‍ കൂടി മരിച്ചു.

ഖത്തറില്‍ കര്‍ശന വ്യവസ്ഥകളോടെ ഇളവുകളുടെ മൂന്നാം ഘട്ടത്തിന് ഇന്നു തുടക്കം. ബാര്‍ബര്‍ ഷോപ്പുകള്‍, ബ്യൂട്ടി സെന്ററുകള്‍ എന്നിവയും ഇന്നുമുതല്‍ തുറക്കും. രാജ്യത്ത് കോവിഡ് പോസിറ്റീവ് ആകുന്ന ഭൂരിഭാഗം പേരും 25-നും 44-നും ഇടയില്‍ പ്രായമുള്ളവര്‍. 292 പേര്‍ പുതുതായി പോസിറ്റീവായി.
യു.എ.ഇ.യില്‍ 264 പേര്‍ പോസിറ്റീവ് ആയപ്പോള്‍ ഒരാള്‍ കൂടി രോഗം ബാധിച്ച് മരിച്ചു. ഒമാനില്‍ 9 മരണവും 1,053 പേര്‍ക്ക് രോഗബാധ സ്ഥിരീകരിച്ചു. ബഹ്‌റൈനില്‍ കോഴിക്കോട് വടകര സ്വദേശി മരിച്ചു. 384 പേര്‍ക്കു കൂടി കോവിഡ്. കുവൈത്തില്‍ 606 പേര്‍ കൂടി പോസിറ്റീവ്. 5 പേര്‍ മരിച്ചു.